လွှတ်တော်သည် နိုင်ငံခြားသားများဆိုင်ရာ အက်ဥပဒေ ပြင်ဆင်ချက်များကို အတည်ပြုလိုက်ပြီဖြစ်ပြီး ၎င်းတို့သည် ၂၀၂၆ ခုနှစ် ဇန်နဝါရီလ ၈ ရက်နေ့တွင် စတင်အသက်ဝင်မည်ဖြစ်သည်။
ဤဥပဒေပြင်ဆင်ချက်များသည် အမြဲတမ်းနေထိုင်ခွင့် PR အတွက် လိုအပ်ချက်များကို ပိုမိုတင်းကျပ်စေမည်ဖြစ်သည်။
အထွေထွေ ပြောင်းလဲမှုများ
အမြဲတမ်းနေထိုင်ခွင့် ထုတ်ပေးရန်အတွက် ခြွင်းချက်အချို့မှလွဲ၍ ဖင်လန်နိုင်ငံတွင် ၆ နှစ်ကြာ ဆက်တိုက်နေထိုင်ခဲ့မှု လိုအပ်မည်ဖြစ်သည်။
🇫🇮 အမြဲတမ်းနေထိုင်ခွင့် လျှောက်ထားသူများသည် ဖင်လန် သို့မဟုတ် ဆွီဒင်ဘာသာစကားကို လုံလောက်စွာ တတ်ကျွမ်းရန်နှင့် လုပ်ငန်းခွင်အတွေ့အကြုံ ၂ နှစ်ရှိရန် လိုအပ်မည်ဖြစ်သည်။
လျှောက်ထားသူသည် အောက်ပါအချက်များထဲမှ တစ်ခုနှင့် ကိုက်ညီပါက ၄ နှစ်ကြာ ဆက်တိုက်နေထိုင်ပြီးနောက် အမြဲတမ်းနေထိုင်ခွင့် ရရှိနိုင်ပါသည်။
- တစ်နှစ်ဝင်ငွေ ယူရို ၄၀,၀၀၀ (EUR 40,000) ရှိခြင်း သို့မဟုတ် - ဖင်လန်နိုင်ငံမှ အသိအမှတ်ပြုသော မဟာဘွဲ့ သို့မဟုတ် ဘွဲ့လွန်တစ်ခုခု ရရှိထားပြီး အနည်းဆုံး လုပ်ငန်းခွင်အတွေ့အကြုံ ၂ နှစ် ရှိခြင်း၊
- ဖင်လန် သို့မဟုတ် ဆွီဒင်ဘာသာစကားကို အထူးကောင်းမွန်စွာ တတ်ကျွမ်းပြီး အနည်းဆုံး လုပ်ငန်းခွင်အတွေ့အကြုံ ၃ နှစ် ရှိခြင်း၊
- လျှောက်ထားသူသည် ဖင်လန်နိုင်ငံတွင် မဟာဘွဲ့၊ ဘွဲ့လွန် သို့မဟုတ် ဘွဲ့တစ်ခုခု ပြီးမြောက်ထားပါက သတ်မှတ်ထားသော နေထိုင်ရမည့်ကာလ မပြည့်ဘဲ အမြဲတမ်းနေထိုင်ခွင့် ရရှိနိုင်သည်။
- အသက် ၁၈ နှစ်အောက် ကလေးတစ်ဦး၏ အုပ်ထိန်းသူသည် အမြဲတမ်းနေထိုင်ခွင့်၊ P-EU နေထိုင်ခွင့် သို့မဟုတ် ဖင်လန်နိုင်ငံသားဖြစ်ခွင့် ရရှိထားပါက ၎င်းကလေးသည် သတ်မှတ်ထားသော နေထိုင်ရမည့်ကာလ မလိုဘဲ အမြဲတမ်းနေထိုင်ခွင့် ရရှိနိုင်သည်။
- အီးယူ ပြင်ပနိုင်ငံသား ဖြစ်ပြီး ကာလရှည်နေထိုင်သူအား EU နေထိုင်ခွင့် (P-EU) ပေးအပ်ရာတွင် ဖင်လန် သို့မဟုတ် ဆွီဒင်ဘာသာစကားကို ကောင်းစွာ တတ်ကျွမ်းရန် လိုအပ်သည်။
- ထောင်ဒဏ် အပြစ်ပေးခံရခြင်းသည် အမြဲတမ်းနေထိုင်ခွင့်နှင့် P-EU နေထိုင်ခွင့် နှစ်ခုစလုံးအတွက် နေထိုင်မှုကာလ တွက်ချက်ခြင်းအပေါ် သက်ရောက်မှုရှိသည်။
ပြင်ဆင်ချက်များသည် ၂၀၂၆ ခုနှစ် ဇန်နဝါရီလ ၈ ရက် သို့မဟုတ် ထိုရက်နောက်ပိုင်း တင်သွင်းသော လျှောက်လွှာများမှာ အသက်ဝင်မယ်လို့သိရှိရပါတယ်။
အမြဲတမ်းနေထိုင်ခွင့် လျှောက်ထားလိုပါက သတ်မှတ်ထားသော နေထိုင်ရမည့်ကာလ မပြည့်မီ ၃ လခန့်အလိုတွင် လျှောက်လွှာတင်နိုင်ပြီး လက်ရှိနေထိုင်ခွင့် သက်တမ်းကုန်ဆုံးသည်အထိ စောင့်ဆိုင်းရန် မလိုအပ်ဘူးလို့လည်းရေးသားထားတာကိုတွေ့ရှိရပါတယ်။
၂၀၂၆ ခုနှစ် ဇန်နဝါရီလ ၈ ရက် မတိုင်မီ လျှောက်လွှာတင်ပြီး၊ လူကိုယ်တိုင် သက်သေခံချိန်းဆိုမှု (appointment) ကို ထိုရက်နောက်ပိုင်းမှ ရရှိသည်ဆိုပါက ဥပဒေပြင်ဆင်ချက်များသည် သင့်လျှောက်လွှာအပေါ် သက်ရောက်မှု ရှိမှာမဟုတ်ပါဘူးလို့သိရှိရပါတယ်။
No comments
Post a Comment