**၀၈.၀၅.၂၀၂၅ ** ဖင်လန်သတင်းစာများ၏ ခေါင်းစီးသတင်းများ

(၁) နိုင်ငံခြားကျောင်းသားများအတွက် ကျူရှင်ကြေးစနစ်သစ်  ကျေးလက်ကျောင်းများ အနာဂတ်မရှိမှာလား။  

Helsingin Sanomat သတင်းစာတွင် ၂၀၂၆ ခုနှစ် ဩဂုတ်လမှစ၍ EU မဟုတ်သော နိုင်ငံခြားကျောင်းသားများအား အထက်တန်းကျောင်းကျူရှင်ကြေးကောက်ခံမည့် အစိုးရ၏ အစီအစဉ်ကို ကျေးလက်ကျောင်းများက စိုးရိမ်နေကြောင်း ဖော်ပြထားသည်။  

လာပလန်ဒ်ရှိ Salla အထက်တန်းကျောင်းတွင် ကျောင်းသား ၇၈ ဦးအနက် ၅၄ ဦးမှာ ရုရှား၊ တရုတ်နှင့် မြန်မာ အပါအဝင် နိုင်ငံခြားသားများဖြစ်သည်။  

 Posio နှင့် Savukoski ကဲ့သို့သော ကျေးလက်ဒေသများတွင် ကျောင်းသားများ၏ တစ်ဝက်မှ သုံးပုံနှစ်ပုံအထိ နိုင်ငံခြားသားများဖြစ်နေသည်။  

 Finest Future အစီအစဉ်ဖြင့် လာရောက်သော ကျောင်းသားများက ကျူရှင်ကြေးစနစ်သစ်ကြောင့် အမေရိကန် သို့မဟုတ် စင်္ကာပူကဲ့သို့ အင်္ဂလိပ်ဘာသာဖြင့် သင်ကြားပေးသည့်နိုင်ငံများသို့ ရွှေ့သွားနိုင်ကြောင်း ပြောကြားခဲ့သည်။  

Salla အထက်တန်းကျောင်း ကျောင်းအုပ်ကြီး Leena Hautajärvi က 

"ဒီကျောင်းသားများဟာ ဖင်လန်၏ အနာဂတ်လုပ်သားအင်အားဖြစ်ပြီး ၎င်းတို့အား ငြင်းပယ်ခြင်းသည် အမြော်အမြင်ကင်းမဲ့သော ရွေးချယ်မှုဖြစ်သည်"

ဟု ဝေဖန်ခဲ့သည်။  

(၂) "ပျော်ရွှင်မှုအမြင့်ဆုံးနိုင်ငံ" ဆိုတဲ့ ဂုဏ်ပုဒ်ကို ဝေဖန်မှုများ  

Iltalehti သတင်းစာက ဖင်လန်နိုင်ငံအား "ပျော်ရွှင်မှုအမြင့်ဆုံးနိုင်ငံ" အဖြစ် သတ်မှတ်ခံရခြင်းကို အင်္ဂလိပ်သတင်းစာ Daily Mail က ဝေဖန်ထားကြောင်း ဖော်ပြခဲ့သည်။  

Daily Mail က ဟယ်လ်ဆင်ကီမြို့ရှိ Sörnäinen မက်ထရိုဘူတာအနီး "Amphetamine Square" တွင် မူးယစ်ဆေးဝါးနှင့်သက်ဆိုင်သော ဖမ်းဆီးမှုများကို ဖော်ပြခဲ့သည်။  

Kontula ရပ်ကွက်ကို 

"အကြမ်းဖက်မှု၊ ဂိုဏ်းများနှင့် မူးယစ်ဆေးရောင်းဝယ်မှုများကြောင့် နာမည်ဆိုးဖြင့်ကျော်ကြားသော အရှေ့ဟယ်လ်ဆင်ကီဆင်ခြေဖုံးဒေသ"

အဖြစ် ဖော်ပြခဲ့သည်။  

ဖင်လန်နိုင်ငံသားအချို့က နိုင်ငံ၏ ပျော်ရွှင်မှုအဆင့်အတန်းကို သံသယရှိကြောင်း ပြောကြားခဲ့သည်။  

Hurstin Ruokaapu အစားအစာအလှူအဖွဲ့၏ ဒါရိုက်တာ Heikki Hursti က 

"ဖင်လန်တွင် ကောင်းမွန်သောကျန်းမာရေးစောင့်ရှောက်မှုနှင့် ပညာရေးစနစ်ရှိသော်လည်း ဆင်းရဲမွဲတေမှုနှင့် အစိုးရ၏အထောက်အပံ့ဖြတ်တောက်မှုများလည်း ရှိနေသည်"

ဟု ပြောကြားခဲ့သည်။  

(၃) မွေးနေ့အလိုက် ကျန်းမာရေးမှတ်တမ်းများ ထာဝရသိမ်းဆည်းခံရမည့်စနစ်  

IltaSanomat သတင်းစာတွင် ဖင်လန်နိုင်ငံ၏ ထူးခြားသောဥပဒေတစ်ရပ်ကို ဖော်ပြခဲ့သည်။  

တစ်လ၏ ၁၈ ရက် သို့မဟုတ် ၂၈ ရက်တွင် မွေးဖွားသူများ၏ ကျန်းမာရေးမှတ်တမ်းများကို ထာဝရသိမ်းဆည်းထားရမည်။  

အခြားနေ့များတွင် မွေးဖွားသူများ၏ မှတ်တမ်းများကို သေဆုံးပြီး ၁၂ နှစ်အထိသာ သိမ်းဆည်းထားမည်။  

၈ ရက်၊ ၁၈ ရက်နှင့် ၂၈ ရက် မွေးသူများ၏ လူမှုဖူလုံရေးဆိုင်ရာ အချက်အလက်များကိုလည်း မှတ်တမ်းတင်ထားမည်။  

ဖင်လန်အမျိုးသားမော်ကွန်းတိုက်မှ Marita Vallenius က "ဤစနစ်ကို ၁၉၇၀ ပြည့်လွန်နှစ်များကတည်းက ဆေးဘက်ဆိုင်ရာသုတေသနအတွက် အသုံးပြုခဲ့ပြီး ၂၀၂၅ ခုနှစ်တွင် ပြောင်းလဲနိုင်သည်" ဟု ရှင်းပြခဲ့သည်။  

(၄) Yle ၏ နိုင်ငံရေးထောက်ခံမှုစစ်တမ်း  Finns Party ထောက်ခံမှု ကျဆင်း  

 Finns Party ၏ ထောက်ခံမှုမှာ ၂၀၂၃ ရွေးကောက်ပွဲတွင် ၂၀.၁% ရှိခဲ့ရာမှ ယခု ၁၁.၄% အထိ ကျဆင်းသွားသည်။  

 အစိုးရဖွဲ့စည်းပြီးနောက် ဤပါတီ၏ ထောက်ခံမှုမှာ တဖြည်းဖြည်းကျဆင်းလာခဲ့သည်။  

 အဓိကအတိုက်အခံပါတီများဖြစ်သော Centre Party နှင့် Social Democrats တို့၏ ထောက်ခံမှု တိုးတက်လာသည်။  

(၅) လူမှုဖူလုံရေးအထောက်အပံ့များ ပိုမိုတင်းကျပ်လာ  

Soste ၏ စစ်တမ်းအရ ဖင်လန်၏ လူမှုဖူလုံရေးဒေသ ၁၂ ခုနှင့် ဟယ်လ်ဆင်ကီမြို့တို့တွင် အထောက်အပံ့များပေးခြင်းကို ပိုမိုတင်းကျပ်စွာ စိစစ်လာကြောင်း သိရသည်။  

 Jyväskylä တက္ကသိုလ်မှ Minna Kivipelto ပါမောက္ခကြီးက "ဤသို့ငွေကြေးချွေတာခြင်းသည် နောင်တွင် ကြီးမားသောအကျိုးဆက်များ ဖြစ်ပေါ်စေနိုင်သည်" ဟု သတိပေးခဲ့သည်။  

(သတင်းအရင်းမြစ်များ: Helsingin Sanomat, Iltalehti, IltaSanomat, Yle)