မွေးကင်းစကလေးများအတွက် ရင်းနှီးမြှုပ်နှံမှုငွေစာရင်း အဆိုပြု

ဖင်လန်နိုင်ငံရှိ မွေးကင်းစကလေးတိုင်းအား ယူရို ၃၀၀ အစပြု ရန်ပုံငွေထည့်ပေးရန်၊ ဘဏ်နှင့်အာမခံလုပ်ငန်းအဖွဲ့ချုပ် (Finnish Finance Association) မှ အဆိုပြုလိုက်သည်။ ဤငွေကို အစုရှယ်ယာ၊ ရန်ပုံငွေ (fund) သို့မဟုတ် ရင်းနှီးမြှုပ်နှံမှုအာမခံ တို့တွင် ထည့်သွင်းနိုင်မည်ဖြစ်ပြီး၊ ကလေး အရွယ်ရောက်မှသာ ထုတ်ယူအသုံးပြုနိုင်မည်။  

မိဘများ၏ တုံ့ပြန်မှု  

ဟယ်လ်စင်ကီမြို့တော် စာကြည့်တိုက် (Oodi) တွင် မိဘ ၄ ဦးအား မေးမြန်းခဲ့သည့် အဖြေများ:  

1. Sanna Nurmisto (Valentina ၏မိခင်)  

"အလွန်ကောင်းသောစိတ်ကူးပါ။ ကျွန်မကလေးအတွက် ရန်ပုံငွေ (fund) တွင် စုဆောင်းထားပြီးဖြစ်သည်။ ရေရှည်တွင် ပိုမိုတိုးပွားလာမည်ဟု ယုံကြည်ပါသည်။"  

2. Emmi Laakso (သမီး Frida ၏မိခင်)  

"ဒီအစီအစဉ်သည် ဖင်လန်တွင် ကလေးမွေးဖွားနှုန်းကို မြင့်တက်စေနိုင်သည်။"  

3. Philip Kaustinen (သမီး Ebba ၏ဖခင်)  

"ကလေးထောက်ပံ့ကြေး (child benefit) နှင့်ဆင်တူသော်လည်း၊ ဤငွေကို ရင်းနှီးမြှုပ်နှံရန်သာ အသုံးပြုနိုင်မည်။"  

4. Aki Henttonen (Huugo ၏ဖခင်)  

"ကောင်းသောစိတ်ကူးပါ။ ကျွန်တော်တို့ သားမွေးပြီးကတည်းက ရန်ပုံငွေတွင် စုဆောင်းနေပြီလေ။"  

အစိုးရ၏ အစီအစဉ်နှင့် စီးပွားရေးအကျိုးကျေးဇူးများ  

ခန့်မှန်းကုန်ကျမှု: လက်ရှိကလေးမွေးနှုန်းအရ၊ နှစ်စဉ် ယူရို ၁၂ သန်း (ခန့်မှန်း ၄၈ ဘီလီယံကျပ်) ကုန်ကျမည်။  

ရည်ရွယ်ချက်

• ရင်းနှီးမြှုပ်နှံမှုနယ်ပယ်သို့ မိသားစုအသစ်များ ဝင်ရောက်လာစေရန်။  

အန္တရာယ်သတိပေးချက်

စတော့ဈေးကွက်တွင် အတက်အကျမြန်ခြင်း ရှိနိုင်သော်လည်း၊ ရေရှည်တွင် အကျိုးရှိမည်ဟု ယုံကြည်ရသည်။

နောက်လုပ်ဆောင်မည့်အဆင့်များ

 ဘဏ္ဍာရေးဝန်ကြီးဌာနမှ ၂၀၂၆ ခုနှစ်၊ ဇွန်လအထိ လေ့လာဆန်းစစ်မှုများ ပြုလုပ်သွားမည်။  

 အဆိုပြုချက်သည် ဝန်ကြီးချုပ် Petteri Orpo ၏ အစိုးရအစီအစဉ် တွင်ပါဝင်ပြီး၊ အတည်ပြုပါက ၂၀၂၇ ခုနှစ်မှ စတင်ဆောင်ရွက်မည်။ 

Arno Ahosniemi, Finnish Finance Association ၏ CEO  က

"ဤအစီအစဉ်သည် ဖင်လန်နိုင်ငံသားများ၏ ငွေကြေးအရည်အသွေး (financial literacy) ကို မြှင့်တင်ရန်နှင့် နောင်ရေးအတွက် စီမံကိန်းချခြင်းကို အားပေးနိုင်မည်။"